Rigveda 8.11

HYMN XI. AGNI.

8.11.1

१० वत्स: काण्व: | अग्नि: | गायत्री , १ प्रतिष्ठा, २ वर्धमाना , १० त्रिष्टुप् | त्वम॑ग्ने व्रत॒पा अ॑सि दे॒व आ मर्त्ये॒ष्वा | त्वं य॒ज्ञेष्वीड्य॑: ॥१ त्वम॑सि प्र॒शस्यो॑ वि॒दथे॑षु सहन्त्य | अग्ने॑ र॒थीर॑ध्व॒राणा॑म् ॥२ स त्वम॒स्मदप॒ द्विषो॑ युयो॒धि जा॑तवेदः | अदे॑वीरग्ने॒ अरा॑तीः ॥३ अन्ति॑ चि॒त्सन्त॒मह॑ य॒ज्ञं मर्त॑स्य रि॒पोः | नोप॑ वेषि जातवेदः ॥४ मर्ता॒ अम॑र्त्यस्य ते॒ भूरि॒ नाम॑ मनामहे | विप्रा॑सो जा॒तवे॑दसः ॥५ विप्रं॒ विप्रा॒सोऽव॑से दे॒वं मर्ता॑स ऊ॒तये॑ | अ॒ग्निं गी॒र्भिर्ह॑वामहे ॥६ आ ते॑ व॒त्सो मनो॑ यमत्पर॒माच्चि॑त्स॒धस्था॑त् | अग्ने॒ त्वांका॑मया गि॒रा ॥७ पु॒रु॒त्रा हि स॒दृङ्ङसि॒ विशो॒ विश्वा॒ अनु॑ प्र॒भुः | स॒मत्सु॑ त्वा हवामहे ॥८ स॒मत्स्व॒ग्निमव॑से वाज॒यन्तो॑ हवामहे | वाजे॑षु चि॒त्ररा॑धसम् ॥९ प्र॒त्नो हि क॒मीड्यो॑ अध्व॒रेषु॑ स॒नाच्च॒ होता॒ नव्य॑श्च॒ सत्सि॑ | स्वां चा॑ग्ने त॒न्वं॑ पि॒प्रय॑स्वा॒ऽस्मभ्यं॑ च॒ सौभ॑ग॒मा य॑जस्व ॥१० ||

1 / 1

Scroll wheel or ↑ ↓ keys move between shlokas · swipe on touch

Source text

Complete verse transcript

Source: DharmicData Sanskrit; Griffith English via rigveda-online (public domain)

This reader preserves the available Sanskrit and attributed translation. A modern interpretation is shown only when reviewed text exists in the source record.

8.11.1

१० वत्स: काण्व: | अग्नि: | गायत्री , १ प्रतिष्ठा, २ वर्धमाना , १० त्रिष्टुप् | त्वम॑ग्ने व्रत॒पा अ॑सि दे॒व आ मर्त्ये॒ष्वा | त्वं य॒ज्ञेष्वीड्य॑: ॥१ त्वम॑सि प्र॒शस्यो॑ वि॒दथे॑षु सहन्त्य | अग्ने॑ र॒थीर॑ध्व॒राणा॑म् ॥२ स त्वम॒स्मदप॒ द्विषो॑ युयो॒धि जा॑तवेदः | अदे॑वीरग्ने॒ अरा॑तीः ॥३ अन्ति॑ चि॒त्सन्त॒मह॑ य॒ज्ञं मर्त॑स्य रि॒पोः | नोप॑ वेषि जातवेदः ॥४ मर्ता॒ अम॑र्त्यस्य ते॒ भूरि॒ नाम॑ मनामहे | विप्रा॑सो जा॒तवे॑दसः ॥५ विप्रं॒ विप्रा॒सोऽव॑से दे॒वं मर्ता॑स ऊ॒तये॑ | अ॒ग्निं गी॒र्भिर्ह॑वामहे ॥६ आ ते॑ व॒त्सो मनो॑ यमत्पर॒माच्चि॑त्स॒धस्था॑त् | अग्ने॒ त्वांका॑मया गि॒रा ॥७ पु॒रु॒त्रा हि स॒दृङ्ङसि॒ विशो॒ विश्वा॒ अनु॑ प्र॒भुः | स॒मत्सु॑ त्वा हवामहे ॥८ स॒मत्स्व॒ग्निमव॑से वाज॒यन्तो॑ हवामहे | वाजे॑षु चि॒त्ररा॑धसम् ॥९ प्र॒त्नो हि क॒मीड्यो॑ अध्व॒रेषु॑ स॒नाच्च॒ होता॒ नव्य॑श्च॒ सत्सि॑ | स्वां चा॑ग्ने त॒न्वं॑ पि॒प्रय॑स्वा॒ऽस्मभ्यं॑ च॒ सौभ॑ग॒मा य॑जस्व ॥१० ||

THOU Agni, God mid mortal men, art guard of sacred rites, thou art To be adored at sacrifice.